உடல் எடையை குறைக்கும் மோர்க்கூழ்

உடல் எடையை குறைக்கும் மோர்க்கூழ்!!

உடலை வருத்தி, டயட் என்று பட்டினி கிடந்தது இளைக்க வேண்டிய அவசியம் இல்லை. அதை விட நல்ல ஹெல்த்தியான சாப்பாடு சாப்பிட்டாலே, உடலில் உள்ள கெட்ட நீர் வற்றி ஊளைச்சதையின்றி அழகாகவும், ஆரோக்யமாகவும் இருக்கலாம். அந்த வகையில் அடிக்கடி மோர்க்கூழ் செஞ்சு சாப்பிட்டு பாருங்க. அப்புறம் உங்க தொப்ப குறைஞ்சு ஸ்லிம் ஆகிடுவீங்க.

தேவையான பொருட்கள்

அரிசி மாவு – 2 கப்
கோதுமை மாவு – 1 கப்
சோயா மாவு – 1/4 கப்
தண்­ணீர் – 2 கப்
மோர் – 2 கப்
நல்லெண்ணெய் – 2 டீ ஸ்பூன்
கடுகு – 1 டீ ஸ்பூன்
பெருங்காயம் – 1/2 டீ ஸ்பூன்
காய்ந்த மிளகாய் – 6
உ.பருப்பு – 1 டீ ஸ்பூன்
உப்பு – தேவையான அளவு

செய்முறை

நல்லெண்ணெய் காய்ந்ததும் கடுகு, பெருங்காயம், உளுத்தம்பருப்பு, காய்ந்த மிளகாய் தாளித்து, தண்ணீ­ர் ஊற்றவும். இப்போது உப்பைப் போட்டு கொதிவந்தவுடன், அரிசிமாவு, கோதுமை மாவு, சோயா மாவு மூன்றையும் கலந்து வைத்துக் கொண்டு, கொதிவந்த நீரில் கொஞ்சம் கொஞ்சமாக கலந்த மாவைப் போட்டுக் கிளறவும்.
கொஞ்சம் கெட்டியானவுடன் மோர்விட்டு கிளறிக் கொண்டேயிருக்கவும். மோர் கூழில் மாவு ஒன்று சேர்ந்தவுடன் இறக்கி எண்ணெய் தடவிய தட்டில் கொட்டி கொத்தமல்லித் தூவி, துண்டுகளாக வெட்டி பரிமாறவும்.
முருங்கைக்காய் சாம்பார் தொட்டு சாப்பிட்டால் மிகமிக ருசியாக இருக்கும். சூடாக சாப்பிட்டால் தேவாம்ருதம்தான். உடல் இளைக்க விரும்புபவர்கள் மதிய நேரத்திற்கு சாப்பிட உகந்தது இந்த மோர்க்கூழ்.